Ikigega cy’Igihugu cy'Ibidukikije cyemeje Imishinga izaterwa inkunga, iyo mishinga yaturutse mu miryango itari iya Leta n'Inzego z’ibanze, ijyanye n’ibikorwa byo kubaka ubudahangarwa ku ngaruka z'imihindagurikire y'Ikirere

Ikigega cy’Igihugu cy'Ibidukikije(Rwanda Green Fund) cyemeje Imishinga izaterwa inkunga, iyo mishinga yaturutse mu miryango itari iya Leta (CSOs) n'Inzego z’ibanze (Districts), ijyanye n’ibikorwa byo kubaka ubudahangarwa ku ngaruka z'imihindagurikire y'Ikirere(adaptation to climate change effects)

Ikigega cy’Igihugu cy’Ibidukikije kinejejwe no gutangaza imishinga icyenda igiye guterwa inkunga, binyuze mw’ipiganwa ry’imishinga ku mafaranga y’ikigega Adaptation Fund.  Iryo piganwa ry’imishinga ryatangijwe rishingiye ku masezerano hagati ya Leta y'U rwanda binyuze muri Minisiteri ishinzwe kurengera ibidukikije n Ikigega Adaptation Fund, cyatanze amafaranga yo gushyigikira gahunda y’igihugu muri gahunda y’ibihugu ya EDA-Adaptation Fund.

Muri Nzeri 2023, Ikigega cy'Ibidukikije cy'u Rwanda cyatangije Ihamagarwa ryo Gutanga Imishinga muri gahunda ngali y’ubufatanye hagati ya guverinoma y'u Rwanda, binyuze muri Minisiteri y'Ibidukikije (MoE), n'Ikigega cya Adaptation Fund, ifasha abaturage kubaka ubushobozi bwo guhangana n’ingaruka mbi z'imihindagurikire y'ikirere. iyo gahunda ikaba yitwa Rwanda Subnational Adaptation Fund EDA. Imishinga yari yemerewe gupiganwa yagombaga guturuka mu Imiryango itari iya leta, n'Inzego zibanze, harimo uturere n'Umujyi wa Kigali.

Nyuma y’isuzuma ryimbitse, Inama y’ubutegetsi y’Ikigega cy’Igihugu cy’Ibidukikije yemeje imishinga icyenda, itatu muriyo yateguwe n’uturere naho itandatu itegurwa n’imiryango itari iya Leta. imishinga yose hamwe ikazatwara amafaranga angana na Rwf  5,000,000,000 billion yaturutse mu Kigega Adaptation Fund. iyo mishinga ikazibanda ku bice by’ubuzima bw’igihugu bikurikira:

1. Ubuhinzi bwita ku imihindagurikire y’ibihe:

• Akarere ka Nyanza gafatanyije na APEFA, kazatuma ingo 11,213 z'abahinzi batishoboye bo mu gice cy'amazi cya Akaziga, zigera ku midugudu 16 yo mu misozi, zihangana n'imihindagurikire y'ikirere. 
• Ikigo cya ARDE-KUBAHO, kiri mu gice cy'amazi cya Kayumbu mu Karere ka Kamonyi, kizakemura ikibazo cy'isuri mu misozi n'imyuzure imanuka mu misozi itewe n'imihindagurikire y'ikirere. Iyi gahunda ikubiyemo kurwanya kwangirika k'ubutaka kuri hegitari 373 no kuhira mu buryo bw'ikoranabuhanga kuri hegitari 27. 
• CARITAS/Kibuye mu murenge wa Rubengera, mu Karere ka Karongi, igamije kubungabunga ubutaka bwangiritse binyuze mu gushyiraho uburyo bwo kugenzura ubutaka, gusana amashyamba no gucunga ubutaka mu buryo burambye kugira ngo bagabanye ibyago by'ibiza, kongera umusaruro w'ubuhinzi, no gushyigikira abantu 27,895. 

2. Kuhira mu buryo buciriritse

• FESY mu Karere ka Kayonza igamije kuzamura ubushobozi bw'abahinzi bo muri Kabare na Rwinkwavu bwo guhangana n'imihindagurikire y'ibihe binyuze mu kuvugurura ibikorwaremezo by'ubuhinzi, gushyiraho hegitari 20 z'uburyo bwo kuhira bukoreshwa n'ingufu z'izuba, gutera hegitari 25 z'amashyamba, no kunoza uburyo bwo kubona amafaranga n'amasoko.
• Mu Karere ka Bugesera, umushinga wa REDO uteza imbere ubuhinzi bwita ku imihindagurikire y’ibihe binyuze mu gushyira amashanyarazi y'imirasire y'izuba kuri hegitari 15, gutoza abagore 60 n'urubyiruko gukora umusaruro w'ibinyabuzima, no kugarura hegitari 100 z'ubutaka bwangiritse.
• APEFA muri Bugesera ifasha ingo 820 z'abaturage batishoboye, uyu mushinga uzuhira hegitari 35 hakoreshejwe imirasire y'izuba, kugira ngo barusheho kubaka ubushobozi bwo guhangana n’ingaruka z’imihindagurikire y’ibihe.
• Mu Karere ka Gatsibo, ADAP yibanda k’ubworozi bwita ku imihindagurikire y'ibihe bworohereza kuragira bihendutse no ku bundi buryo bwo kuhira hakoreshejwe imirasire y'izuba mu rwego rwo kongera umusaruro.
• APV hafi y'ikiyaga cya Cyohoha iteza imbere ubuhinzi n'ubworozi no kuhira hakoreshejwe imirasire y'izuba mu imirenge itatu ya Bugesera, yibanda ku kugenzura kwangirika kw'ubutaka n'ubuhinzi burambye kugira ngo yongere ubushobozi bwo guhangana no kurinda umutungo kamere.

3. Kubungabunga ubutaka 

• Ikigo cy’abaturage cyibafasha guhangana n'ingaruka z'imihindagurikire y'ibihe (CACCE) mu Karere ka Ngororero ku bufatanye na World Vision, kigamije guhangana n'ingaruka z'imihindagurikire y'ibihe nk'imyuzure, inkangu, amapfa n'inkubi z'imiyaga ikaze, bibangamira imibereho, umutekano w'ibiribwa n'umutungo kamere. Umushinga wibanda ku ishyirwa mu bikorwa ry'ingamba mu mirenge ya Muhanda, Kavumu na Kageyo kugira ngo abaturage barusheho kumenyera no guhangana n'ibyo bibazo bifitanye isano n'imihindagurikire y'ibihe.

Iri shoramari rizanye udushya rizateza imbere impande nyinshi kandi rifashe u Rwanda kugera ku ntego zarwo zo kurinda ihumana ry’ikirere. Amasezerano y’inkunga izahabwa iyi mishinga azashyirwaho umukono mu gihe cya vuba, bikazatangiza ku mugaragaro ibikorwa by’iyi mishinga.

Kubijyanye n’ubufatanye hagati ya Leta y’Urwanda n’Ikigega Adaptation Fund

Aya mahirwa y’inkunga yashobotse bishingiye kuri gahunda ya EDA ishingiye ku masezerano hagati ya Leta y’Urwanda n’ Ikigega Adaptation Fund, irimo gushyirwa mu bikorwa na Minisiteri y’ibidukikije binyuze mu Kigega cy’Igihugu cy’ibidukikije.

Twandikire

Ku bindi bisobanuro, mwatwandikira kuri applications@greenfund.rw.